LIGJET E BIZNESIT
Policia e Shkodrës ditën e sotme nën operacionin e koduar “Brebulla”, ka arrestuar tre vëllezër nën akuzën e kultivimit të lëndëve narkotike.
Bëhet me dije se tre vëllezërit bashkëpunonin me njëri tjetrin duke kultivuar bimë narkotike të llojit kanabis në zonën e Toplanës Vau Dejës dhe në zonën e Iballës Pukë mbi liqenin e Komanit.
Vëllezërit me iniciale K.S., 33 vjeç; D.S., 26 vjeç dhe L.S., 35 vjeç, janë arrestuar nën akuzën “Kultivim i bimëve narkotike e kryer në bashkëpunim”.
NJOFTIMI ZYRTAR I POLICISE
Finalizohet operacioni policor i koduar”Brebulla” i ndjekur me metoda speciale të hetimit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Operacioni nga DVP Shkodër në bashkëpunim me Prokurorinë për parandalimin, evidentimin dhe goditjen e kultivimit të bimëve narkotike.
Në pranga tre vëllezër të cilët në bashkëpunim me njëri-tjetrin kishin kultivuar bimë narkotike.
Nga ana e Specialistëve për Hetimin e Narkotikëve në Drejtorinë Vendore të Policisë Shkodër, pas informacioneve të marra në rrugë operative se disa persona tentonin të kultivonin bimë narkotike në zonën e Toplanës, janë referuar materialet proceduriale në Prokurorinë pranë Gjykatës Shkallës Parë Shkodër, ku është regjistruar procedimi penal i vitit 2019, si dhe është hetuar për një peridhë tre mujore, me metodat speciale të hetimit.
Në kuadër të këtij procedimi, nga Seksioni për Hetimin e Narkotikëve në Drejtorinë Vendore të Policisë Shkodër, në bashkëpunim me Prokurorinë pranë Gjykatës së Shkallës së Parë Shkodër, u finalizua me sukses operacioni policor i koduar “Brebulla”, si rezultat i të cilit u bë arrestimi në flagrancë i shtetasve:
– K.S., 33 vjeç; D.S., 26 vjeç dhe L.S., 35 vjeç, (vëllezër) të tre banues në fshatin Toplanë, Njësia administrative Temal, Bashkia Vau-Dejës.
Të arrestuarit e sipërpërmendur, duke përfituar nga terreni i vështirë dhe tepër i thyer malor, dyshohet se janë autorët të kultivimit të bimëve narkotike kanabisi në zonën e Toplanës Vau Dejës dhe në zonën e Iballës Pukë mbi liqenin e Komanit.
Materialet procedurale u referuan për veprime të mëtejshme pranë Prokurorisë së Rrethit Gjyqësor Shkodër, për veprën penale “Kultivim i bimëve narkotike e kryer në bashkëpunim” në ngarkim të shtetasve të lartpërmendur.
