Bashkëkryetari i Komisionit të Reformës Zgjedhore Damian Gjiknuri ka reaguar pas deklaratës së djeshme të kryetarit të PD Lulzim Basha i cili u shpreh se opozita nuk mund të ulet në tryezë diskutimi në një komision që drejtohet nga dikush që është kapur në përgjime për manipulimin e zgjedhjeve.

Në një prononcim për mediat ish-ministri Gjiknuri tha se është i gatshëm të rishikojë postin si bashkëkryetar i këtij komisioni nëse opozita joparlamentare pranon të jetë pjesë e tryezës.

Jam i gatshem të rishikoj pozicionin tim në komisionin parlamentar të reformës zgjedhore, si bashkëkryetar, me kusht që PD të njohë komisionin” u shpreh Gjiknuri.

Gjiknuri theksoi se për rishikimin e pozicionit të tij në komisionin e reformës zgjedhore, do të diskutojë me kryetarin e partisë socialiste.

“Më herët kam pasur kritika edhe nga PS sepse kam dashur që PD të ishte pjese e komisionit të reformes zgjedhore” – theksoi ndër të tjera Gjiknuri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Është hera e parë në politikë, që kushtëzohet interlokutori. nuk ka asnjë akuzë penale ndaj meje, gjithçka është akuzë politikë sic cdo politikan. nëse është kushti i vetëm dhe ata njohin komisionin e reformës zgjedhore unë jam i gatshëm të ofroj një zgjidhje, pasi të komunikoj me kreun e partisë. Nuk mund të plotësosh kushte pa bërë veprimet e tua. Ata të vijnë të kontribuojnë, unë kam qenë ai që kam gjetur kompromise me opozitën. ka qenë ideja ime personale, ku kam thënë që PD të ketë një vend në komision. Nuk kam asnjë merak, por është absurde të kushtëzosh palën tjetër në negociata.” u shpreh ai.