Ish-ministri i Brendshëm Saimir Tahiri ka mbërritur te Gjykata e Krimeve të Rënda ku do të jepet sot vendimi në lidhje me akuzat që rëndojnë mbi të.
Ai shoqërohej nga avokati i tij Maks Haxhia dhe është parë me një dosje në dorë, në të cilën nuk dihet nëse do të ketë prova të reja apo jo.
Kujtojmë se me 10 shtator, Prokuroria për Krimet e RËnda ka dhënë pretencën për ish-ministrin, duke kërkuar 12 vite burg.
Por duke qenë se ish-ministri Tahiri ka përfituar gjykim të shkurtuar, ai përfiton gjithashtu ulje të dënimit me 1/3 duke e cuar në 8 vite pretencën e Prokurorisë.
Ish-ministri i Brendshem akuzohet për 3 vepra penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes ‘Habilaj’.
