LIGJET E BIZNESIT
Ashtu siç u diskutua dhe ditë më parë, paraditen e sotme Komisioni Hetimor i ngritur për shkarkimin e presidentit Ilir Meta, ka miratuar me 7 vota pro dhe 2 kundër, kërkesën për zgjatjen me dy muaj të afatit të punimeve.
Kërkesa do t’i kalojë Kuvendit për miratim në seancën parlamentare të datës 3 tetor.
Mbledhja e sotme e Komisonit Hetimor ka nisur me debate.
Kryetari i Ballit Kombëtar, Adriatik Alimadhi, duke kerkuar fjalen pas kreut te Komisionit, Ulsi Manja, ka theksuar se ky komision nuk duhet te ekzistoje.
Sipas tij, komisioni nuk ka elementët e duhur për të ndjekur një procedurë ndaj hetimit të presidentit, sepse nuk ka asnje marreveshje sipas tij, nga ana e Presidentit, që prekin interesat e shqiptarëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Unë gjykoj se ky komision nuk duhet të ekzistojë sepse nuk ka elementët e duhur për të ndjekur një procedurë ndaj hetimit të presidentit sepse nuk kemi shkelje të rëndë. Pra jo për ta shtyrë afatin, por nuk kemi një shkelje të rëndë që fajëson presidentin sepse presidenti nuk ka bërë ndonjë marrëveshje që prek interesat e këtij vendi, apo prek interesat e shqiptarëve”- tha Alimadhi.
Kujtojmë se afati ligjor i strukturës hetimore të komisionit është data 8 tetor.
Kryetari i Komisionit Ulsi Manja kërkoi që afati i punimeve të shtyhet me dy muaj, gjë që nuk është quajtur e arsyeshme nga ana e opozitës.
Deputeti i opozitës, Krenar Rryçi është shprehur darkord me shtyrjen.
“Duhet te jemi me serioze, ta shtyjme me dy dhe tre muaj, sa te jete e nevojshme, ne jemi komision hetimor, por nuk marrim njeri te pandehur ketu- tha ai.
