Plas sherri në lokal, plagoset me armë zjarri 41 vjeçari

Një plagosje me armë zjarri ka ndodhur orët e para të mëngjesit të sotëm në Bulqizë.

Ngjarja e rëndë ka ndodhur rreth orës 02.40 në ambjentet e një lokali, ku pas një konflikti të castit është plagosur me armë zjarri shtetasi V.A, 41 vjeç.

I plagosuri është dërguar menjëherë në spital dhe fatmirësisht ndodhet jashtë rrezikut për jetën.

Policia njofton se autori i kësaj ngjarje është shtetasi I.D 31 vjeç (me precedent kriminal), i cili është larguar nga vendngjarja së bashku me shtetasin D.S 24 vjec.

Autoritetet po krehin zonën për kapjen e autorëve të kësaj ngjarje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

NJOFTIMI ZYRTAR I POLICISE

Zbardhet ngjarja e ndodhur gjatë natës ku mbeti i plagosur me armë zjarri një shtetas

Identifikohet dhe shpallet në kërkim nga Policia, 31 vjeçari me precedent kriminal, autori kryesor i ngjarjes, si dhe bashkëpunëtori i tij.

Rreth orës 02.40 në ambjentet e një lokali në qytetin e Bulqizës, gjatë një konflikti të çastit është plagosur me armë zjarri shtetasi V.A,  41 vjeç,  banues në Bulqizë, i cili ndodhet në spital aktualisht jashtë rrezikut për jetën.

Nga veprimet hetimore të kryera nga ekspert të Policisë ka rezultuar se autori i kësaj ngjarje është shtetasi I.D, 31 vjeç, banues në Bulqizë (person me precedent  kriminal), i cili është larguar nga vendngjarja sëbashku me shtetasin D.S. 24 vjeç.

Policia e Bulqizës në bashkëpunim me Specialistët për Hetimin e Krimit në  DVP Dibër,  po krehin   zonën për kapjen e autorëve të kësaj ngjarje.

Vijon puna nga grupi hetimor, për dokumentimin e plotë të kësaj ngjarje .