Një kompani e re gjermane në fushën e teknologjisë estetike sapo ka hyrë të tregun shqiptar, duke sjellë risitë e fundit të tregut botëror. Një mundësi e shkëlqyer, jo vetëm për klientët, por edhe për partnerë që janë të interesuar për të vendosur bashkëpunime. Bëhet fjalë për kompaninë gjermane BYAS WELLSTAR.
Ne kemi takuar përfaqësuesin e kompanisë Marco Fattorelli, gjatë vizitës së tij të parë në Tiranë. I pyetur për planin e tij të biznesit ai tregon se, kompania gjermane, me të cilën bashkëpunon ka 13 vjet në treg. Ajo është e specializuar në ushqim, në pjesën e integratorëve ushqimorë. Por, ka vlerësuar mundësinë e rritjes, që sot në 2019-ën, është orientimi në teknologji.
“Ne nuk kemi shpikur asgjë. Por, jemi përpjekur të bëjmë atë që ka bërë Iphonë në 2007-ën. Kemi marrë disa teknologji estetike të bukurisë, që bëjnë radiofrekuencë, elektrostimulacion muskular dhe iontoforezi. I kemi bashkuar, zvogëluar dhe vendosur brenda një pajisje sa telefoni, duke bërë që të ulet kosto dhe të krijohet mundësia që të gjithë t’i lejojnë vetes rezultatet e vërtëta të një klinike të specializuar estetike”.
Shqipëria është një treg i ri për Byas. “Sot kemi ardhur në Shqipëri për të kërkuar personat, sipërmarrësit që duan diçka më shumë, të cilët janë të kënaqur me punën që kanë e duan diçka të re, ose sipërmarrës, apo aktorë në rrjetet e tregtisë, të pakënaqur në një treg të vjetër apo të rëndë dhe duan të hynë në një treg të ri”.
Për nga niveli i konkurrencës, Marco e krahason Byas me Coca-Cola pa Pepsin në treg. “Nuk kemi konkurrencë në treg. Kemi teknologji ekzistuese. Por, ne i kemi vendosur së bashku, kemi ulur kostot, dhe kohën e përdorimit. Gratë po bëjnë mrekulli me trupin e tyre”. Ndërmarrja gjermane ka zgjedhur sistemin e shpërndarjes përmes network marketing.
Pse ky sistem?! “Kjo teknologji, e vendosur në qendrat tregtare, në sisteme të tjera do të kishte sukses vetëm me disa persona, pasi klienti nuk do të mund të shikonte rezultatin. Ajo që bëjmë është të shkojmë falas tek personat dhe u tregojmë se si ndryshon gjysma e fytyrës me trajtimin e teknologjisë tonë për vetëm 9 minuta. Rritet hidratimi, shkëlqimi dhe shikon që gjysma e fytyrës ngrihet, ndërsa gjysma e patrajtuar mbetet në vend”, sipas Fatorellit.
Ndaj klienti pyetet: nëse ka këto rezultate, do të të pëlqente ta kishe me një kosto më të ulët se telefoni? Zakonisht njerëzit thonë po. Ka persona që e blejnë menjëherë, të tjerë më vonë. E bukura është se ne nuk kemi nxitim për shitje. Duke qenë të parët në treg, Byas po ndërton një projekt së bashku dhe direkt shitje produkti.
Në këtë projekt, Marco shoqërohet nga bashkëpunëtorja e tij me origjinë shqiptare Nereida-Cristina Xhakolli
Përfaqësuesi i kompanisë thotë se, “Ajo që po kërkojmë sot është të gjejmë njerëzit që mund të shohin në këtë teknologji projektin e tyre të jetës. Një mjet ku të arrish të kesh sukses, duke zhvilluar një sipërmarrje të tyren me risk zero. Risku i vetëm është se nëse nuk bën më aktivitet të mbetet në shtëpi dhe e përdor për vete”.
Projekti sipas tij, u vlen personave me interes për ta zhvilluar. Një sipërmarrës shqiptar në këtë drejtim mund të arrijë në tregje të tjera, nëse ka aftësi të mira shitje. “Po kërkojmë sipërmarrës që kanë një mentalitet sipërmarrësi pa kufij, ku ka një risk të ulët, ku shpenzimi është vetëm koha që do të mundësojë të dërgosh në shtëpi shumë para, në bazë të impenjimit që angazhon. Këtë po bëjmë sot në Shqipëri. Po kërkojmë këta persona”, thotë Fatorelli.
Në një aparat të trajtimit të fytyrës ka më shumë se 75 programe, ku flitet për jonoforezë, e cila mundëson trajtimin në lëkurë. Kemi teknologjinë që mundëson futjen e acidit hylaronik.
Pas një moshe të caktuar trupi ynë nuk e prodhon më, por që është një molekulë esenciale për të mbetur të rinj. Me kalimin e moshës acidi hylaronik nis të mungojë në lëkurë dhe ne e injektojmë aty. Kremrat bëjnë efektin e tyre, por funksionojnë vetëm në sipërfaqe
