Mbrëmjen e djeshme kryetari i PD Lulzim Basha zhvilloi një darkë informale në Ishëm të Durrësit me të gjithë aleatët e tij, ku ishte i pranishëm dhe nënkryetari i LSI Petrit Vasili.
Në takim mungoi kryetarja e LSI Monika Kryemadhi pasi ndodhej jashtë vendit.
Pas mungesës së saj në media të ndryshme aludohej një përçarje brenda opozitës, por Vasili ka shuar sot zërat dhe tregon se bashkëpunimi i tyre vazhdon.
Sipas tij, Lëvizja Socialiste për Integrim është e vendosur për të çuar aksionin opozitar deri në fund.
Nënkryetari i LSI-së tha sot se ka një dakordësi të plotë për platformën që zgjidh krizën.
“Opozita e bashkuar do të intensifikojë aksionin shumëplanësh.
Kriza shumë e rëndë kushtetuese, politike dhe e përfaqësimit. Dakordësi e plotë për platformë që zgjidh krizën. Opozita e bashkuar e vetmja garanci për daljen nga kriza. Opozita kërkon hapjen e negociatave jo demagogjinë e radhës. Opozita e vendosur për të çuar deri në fund aksionin e saj.
Edi Rama është gjeneruesi e shkaku i krizës dhe jo zgjidhja. Edi Rama i interesuar vetëm që integrimi të dështojë. Mazhorancës i intereson kriza si alibi për grabitjen me koncesione”, u shpreh ai.
