Sensibilizoi të gjithë vendin, Elona 15-vjeçare nuk ia del me sëmundjen e rëndë

Historia e Elona Kuburjas i tronditi të gjithë shqiptarët për shkak të sëmundjes së rëndë dhe dëshirës së madhe për jetën që ajo kishte. Por sot nga Turqia ka ardhur lajmi i trishtë se 15-vjeçarja nuk ia ka dalë dot me sëmundjen e rrallë  dhe ka ndërruar jetë në spital.

E mitura nga Fushë Kruja preku zemrat e të gjithë shqiptarëve pasi shumë të njohur u sensibilizuan që të mblidhnin para për kurimin e saj, por fatkeqësisht nuk ia ka dalë mbanë.

Për rastin e saj reagoi edhe kryeministri Edi Rama në një status në rrjetet sociale, për të cilën u shpreh se do të merrte përsipër të gjitha shpenzimet.

Dhe ashtu u bë, Qeveria shqiptare mori përsipër transportimin e 15-vjeçares së sëmurë në Turqi, nga ku Elona nuk ka mundur të kthehet më e gjallë.