Një aksident i rëndë mësohet të ketë ndodhur në orët e para të mëngjesit të ditës së sotme në aksin rrugor Burrel – Milot. Një shoferi kamioni ka mbetur i plagosur në pikën afër qytezës së Ulzës.
Bëhet me dije se shkak i aksidentit është bërë parakalimi i gabuar i një mjeti me targa zvicerane. Kjo lëvizje e mjetit të vogël e ka zënë në befasi drejtuesin e kamionit, duke bërë që shoferi të hidhej nga mjeti dhe ky i fundit të dilte nga rruga dhe më pas të përmbysej pak më tutje.
Mësohet se kamioni që transportonte bazë materiale, ishte nisur nga Shkupi ndërsa kishte si destinacion Tiranën.
Shoferi për fat të mirë nuk ka marrë plagë të rënda dhe hedhja nga kamioni ka qenë vendimtare për jetën e tij.
