Meta del hapur, i kërkon Bashës të futet në zgjedhje me Ramën kryeministër

Presidenti Ilir Meta, ka qenë i ftuar në emisionin “Çim Peka Live”, në Syri TV, ku ka deklaruar se kërkesa e opozitës, në këtë rast Lulzim Bashës, për të hyrë në zgjedhje vetëm kur Edi Rama të mos jetë kryeministër, është një kërkesë jo demokratike.

Ashtu si ish-kryeministri Sali Berisha, i cili dje tha se një marrëveshje me Edi Ramën do të ishte shkatërrimtare për Partinë Demokratike dhe se ai do të gënjehej për herë të dytë nga Rama edhe Meta e ka quajtur këtë kërkesë të paarsyeshme, e cila thellon më tej krizën.

“Sa i takon tryezës, për mua objektivi ka qenë realizimi i zgjedhjeve gjithëpërfshirëse. Realizimi i zgjedhjeve pa opozitën ishte çmenduri. Unë do të bëja përpjekjen time. Në rast se opozita do ta shfrytëzonte këtë gjë për të thelluar krizën dhe për të kërkuar gjëra të paarsyeshme, sikurse është kushti, po nuk iku ky nuk futemi në zgjedhje.

Këto për mua nuk janë demokratike. Por, të hetoheshin dosjet që kishin tre vjet atje, duhet të kishte ndodhur me kohë“, u shpreh Meta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern