Nuk kalon Vettingun, shkarkohet gjyqtari i Krimeve të Rënda (EMRI)

Gjyqtari i Apelit për Krimet e Rënda, Gjovalin Përnoca është shkarkuar nga detyra. Vendimi u njoftua këtë të premte nga Komisioni i Posaçëm i Kualifikimit.

Gjovalin Përnoca u përball të martën në Komisionin e Pavarur të Kualifikimit me një seri dyshimesh mbi pasurinë. Trupa gjykuese përbëhej nga Xhensila Pine kryesuese, Olsi Komici relator dhe Suela Zhegu anëtare. Në cilësinë e vëzhguesit ndërkombëtar ishte i pranishëm Theo Jacobs.

Gjovalin Përnoca e ka nisur karrierën në sistemin e drejtësisë si ndihmës-prokuror dhe prokuror në Kukës e në Mirditë. Në vitin 2003, ai është zgjedhur gjyqtar i Gjykatës së Apelit për Krime të Rënda, detyrë të cilën e ushtron tashmë prej 15 vitesh.

Përnoca u përball për herë të dytë në seancë dëgjimore me KPK-në, pasi më 30 korrik ai kërkoi më shumë kohë për të siguruar 7 prova, që ai i cilësoi vendimtare për procesin. Por seanca e së martës la pas sërish probleme me pasurinë.