Ngjan me Euron, prezantohet kartëmonedha e re që do të futet në qarkullim nga 30 shtatori

Banka e Shqipërisë ka prezantuar sot në një ceremoni serinë së re të kartëmonedhave shqiptare. Përgjatë një ceremonie të mbajtur brenda ambienteve të Bankës së Shqipërisë, guvernatori Genc Sejko prezantoi kartëmonedhat me dizajno të ri.

Në fjalën e rastit, Sejko theksoi se pas më shumë se 20 vite, dizajni i kartëmonedhave të qarkullimit vjen i rifreskuar dhe me elemente sigurie të përmirësuara.

“Tashmë kartëmonedha shqiptare ka një pamje krejtësisht moderne dhe në të njëjtën kohë është më rezistente, me cilësi, integritet dhe besueshmëri të lartë.”- tha Sejko ndër të tjera.