LIGJET E BIZNESIT
Sot është finalizuar me sukses operacioni policor i koduar “LIMIT”. Policia bën me dije se si rezultat i këtij operacioni u shkatërruan 4 grupe kriminale në fushën e narkotikëve.
Si pjesë të këtyre grupeve kriminale në pranga janë vënë 57 persona, si dhe janë shpallur në kërkim 8 të tjerë.
Gjatë operacionit janë sekuestruar kanabis, kokainë, laboratorë për kultivim të bimëve narkotike, fara kanabis, fishekë luftarakë, si dhe janë asgjësuar parcela me bimë narkotike të kultivuara.
Ky operacion i gjerë e Policisë së shtetit është shtrirë në 6 qytete të ndryshime dhe për finalizimin e tij janë angazhuar të gjitha forcat operacionale të Policisë së Shtetit.
Operacioni i koduar “LIMIT”, është nisur më parë në bashkëpunim dhe koordinim të plotë me policinë greke dhe hetimet për konkretizimin e tij janë shtrirë në një periudhë kohore prej më shumë se 3 vite.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjatë operacioneve në kuadër të “LIMIT”, Policia greke ka sekuestruar rreth 200 kg kanabis, 3.5 kg kanabis në formë çokollate dhe 1.3 kg kokainë.
Policia bën me dije se në këtë operacion të madh anti krim u angazhuan rreth 300 forca policore.
Këtyre grupeve kriminale së fundmi i është sekuestruar rreth 120 kg lëndë narkotike e llojit kanabis, 4 kg kanabis në formë çokollate, 1.1 kg kokainë, bimë narkotikë të kultivuara, 3800 fara kanabis, një laborator për kultivim të bimëve narkotike me ndricim artificial, telefona celularë dhe disa automjete.
Aktiviteti kriminal i këtyre grupeve realizohej duke siguruar fara të bimës narkotike kanabis në Holandë, të cilat kalonin tranzit fillimisht drejt Greqisë dhe më pas në Shqipëri, ku dhe kultivoheshin.
Lënda narkotike kanabis e prodhuar trafikohej në Greqi, Turqi dhe në vende të tjera të BE-së, ku këto grupe kriminale kishin ngritur rrjetin e vet të shpërndarjes së lëndëve narkotike të llojit kanabis e kokainë.
Gjithashtu këto grupe kriminale organizonin dhe mundësonin kalimin e paligjshëm të emigrantëve nga Lindja e Mesme, të cilët vinin nga Greqia në Shqipëri dhe më pas në drejtim të Malit të Zi, me destinacion vendet e Bashkimit Evropian.
