Ditën e sotme është arrestuar biznesmeni i 17-të i skemës së njohur të mashtrimit me 30 milionë euro me evazionin fiskal.
Policia bën me dije se biznesmeni i arrestuar është Agim Kola, i cili akuzohet se nëpërmjet blerjeve dhe shitjeve me fatura fiktive ka përfituar në mënyrë të paligjshme një sasi të konsiderueshme parash.
Nga operacioni i luftës ndaj informalitetit janë dërguar para gjykatës 16 biznesmenë për fshehje të të ardhurave. Gjykata e Tiranë caktoi 5 ditë më parë masën e dënimit për 15 prej tyre: 9 biznesmenë janë lënë në arrest shtëpie, kurse 6 të tjerë janë dënuar me 20 ditë burg.
Aksioni anti-informalitet do të vazhdojë dhe në ditët e ardhshme.
