Kryetari i Bashkisë Vorë Agim Kajmaku, ka dorëzuar zyrtarisht shenjat e gishtave në Policinë Shkencore.
Dorëzimi i shenjave të gishtave është bërë pas një letre të dytë dërguar nga Prokuroria e Përgjithshme në adresë të Kajmakut.
Pas kësaj, kryebashkiaku socialist i Vorës është paraqitur në polici.
Njësia e dekriminalizimit i ka marrë shenjat e gishtave të Kajmakut që më 3 shtator dhe do t’i krahasojë me ato që pritet të vijnë nga Greqia.
Kujtojmë se Partia Demokratike ka kërkuar verifikimin e figurës së kryebashkiakut i Vorës, pasi pretendojnë se ka qenë i dënuar në Greqi dhe është dëbuar.
