Ditën e sotme presidenti Ilir Meta ka zhvilluar një takim me delegacionin e Komisionit të Venecias, të cilët ndodhen në Tiranë në lidhje me procedurat për shkarkimin e tij.
Sot është dita e parë e vizitës së katër anëtarëve të Komisionit të Venecias në Shqipëri, të cilët më pas do të hartojnë dhe publikojnë opinionin e tyre gjatë muajit tetor.
Meta ka publikuar më pas një foto nga takimi dhe shkruan se nëse do respektoheshin rekomandimet e Venecias, Shqipëria nuk do të ishte në këtë situatë.
“Kënaqësi të prisja sot një përfaqësi të Komisionit të Venecias. Nëse do ishin respektuar rekomandimet e tyre në të kaluarën, Shqipëria kurrë nuk do të ishte në këtë situatë”, shkruan Meta në Twitter.
