Presidenti Ilir Meta e ka nisur ditën me një postim ku ka vendosur të nxjerrë një fotografi në të cilën është dhe kryeministri Rama së bashku me kreun e Kuvendit Gramoz Ruçi.
Meta shkruan se ishte kënaqësi që dje u rikthye në Kuvend dhe që shkëmbeu disa mendime dhe me Gramoz Ruçin.
Postimi i Metës vjen një ditë pas dëshmisë së tij në Komisionin Hetimor.
“Ishte kënaqësi dje të rikthehesha në Kuvend. Po kështu të shkëmbeja disa mendime dhe kujtime me Kryetarin e Kuvendit z.Gramoz Ruçi. Së bashku ramë dakord se dy grupet parlamentare më cilësore opozitare kanë qenë ai i PD në ’91-’92 dhe ai i PS në ’92-’96. Kjo më përforcon bindjen se në demokraci, cilësia është më e rëndësishme se sasia, për të udhëhequr ndryshimin e një shoqërie, edhe kur “sasia” duket fuqiplotë.”, shprehet Meta.
