Jahti i braktisur/ Pistat që po heton policia për pronarin turk

Nuk dihet ende fati i pronarit të jahtit të braktisur në brigjet e Shëngjinit. Nga të dhënat paraprake nga Policia bëhet e ditur se Sezgin Javuz ka qenë i vetëm në jaht, në momentin kur është nisur nga porti i Tivarit.

Policia po heton disa pista, ndërsa  ka dyshime se turku mund të ketë pësuar atak kardiak teksa është hedhur në det për notim apo ndonjë largim i mundshëm i jahtit në momentin, kur ai  është hedhur për t’u larë.

Por ndër pistat ku po hetohet është dhe ajo e një pengmarrjeje të mundshme,  për shkak të pasurisë së Javuz. Mësohet gjithashtu, se policia shqiptare ka vendosur kontakte dhe me homologët në Turqi, ku e vetmja  gjë që bëhet e ditur deri tani është fakti se Sezkin Javuz nuk renditet në listat e zeza të policisë turke.