Ndeshja Francë – Shqipëri në kuadrin organizativ, ishte në nivelet ndër më të ultë që ishte parë ndonjëherë.
Pas incidentit të pakëndshëm që u krijua në minutat para fillimit të ndeshjes, kur në vend të himnit të Shqipërisë u vendos gabimisht ai i Andorës, organizatorët francezë vendosën të kërkojnë falje, por sërish bënë një gabim të dytë.
Këtë herë zëri që u dëgjua në altoparlantët e stadiumit, u kërkonte falje tifozëve të Armenisë, jo të Shqipërisë, për gabimin që ishte bërë me ngatërrimin e himnit në minutat e para.
Pra sipas punjoësve të stadiumit “Stade d’France” kombëtarja franceze luajti dhe fitoi me Armeninë dhe jo me Shqipërinë, gafa këto shumë të pafalshme që në mediet shqiptare do të vazhdojnë të qarkullojnë për disa ditë me radhë.
