Kryetari i Partisë Demokratike Lulzim Basha e ka nisur ditën e sot me një sulm të ashpër ndaj kryeministrit Edi Rama.
Basha kujton premtimin e madh të Ramës për 300 mijë vende punë, ndërsa shton se me këtë premtim të pambajtur ka përzënë nga Shqipëria më shumë se 300 mijë shqiptarë.
“Premtoi 300 mijë vende pune, por i përzuri nga Shqipëria më shumë se 300 mijë shqiptarë.
Miliarda euro janë vjedhur, abuzuar dhe shpërdoruar nga Hajduti Psiqik këto 6 vjet, të gjitha kanë përfunduar në xhepat e Edi Ramës dhe klientëve të tij ose janë shpërdoruar për tekat e tij në fasada dhe lluks.
Shqiptarët janë pa punë sepse ekonominë dhe mundësitë ekonomike i kanë marrë oligarkët dhe klientët e Edi Ramës. Që të hapim vende pune dhe mundësi për njerëzit, duhet të largojmë bandën e grabitqarëve dhe Hajdutin Psiqik”, shkruan Basha krahas videos.
