LIGJET E BIZNESIT
Zëdhënësja e qeverisë, Elisa Spiropali ka reaguar në lidhje me çështjen e bujshme të kësaj vere “Valdrin Pjetri”.
Në një intervistë për news 24, Spiropali u shpreh se PS nuk është agjenci ligjzbatuese dhe as hetues i specializuar, që të zbulojë të shkuarën e individëve.
Sicc më herët kanë thënë Rama dhe Balla, Spiropali nënvizoi në deklaratën e saj se kjo parti nuk mban asnjë përgjegjësi për raste të veçanta.
“Ne mbajmë përgjegjësi si forcë politike për gjithçka që ndodh nën siglën dhe logon e PS, por nuk jemi as agjenci ligjzbatuese, as hetues të specializuar për të zbuluar të shkuarën e individëve. Kandidatura ka kaluar në të gjithë procesin e filtrimeve dhe është paraqitur edhe në Kryesinë e PS. Nuk është kryetari që vendos i vetëm për kryetarët, ata kalojnë në një proces të gjatë.”
“Është e pamundur të hetojmë të shkuarën e kandidatëve, kur ajo nuk reflektohet në dëshmitë e penalitetit dhe dokumente të tjera. Ndaj ne që dje propozuam që të kemi ndryshime në ligjin e Dekriminalizimit, në mënyrë që të parashikohet një periudhë filtrimi nga institucionet përkatëse, para se partitë të zgjedhin kandidatët”, tha Spiropali.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
