Nënkryetari i Partisë Demokratike, Edi Paloka ka befasuar me deklaratën e tij sot në intervistën dhënë për News 24. Paloka në fjalën e tij u shpreh se PD dhe gjithë Opozita bashkë po organizohen dhe shumë shpejt do të fillojë akoma dhe më fuqishëm aksioni opozitar.
Sipas Palokës Rama më datë 13 tetor, kur presidenti Meta ka dekretuar zgjedhjet është i rënë.
Nuk dha shumë detaje për protestat, por sipas Palokës PD po përgatitet me zgjedhje, fill pas largimit të Ramës.
“Ne do të vazhdojmë me protesta, sepse thashë protesta është mënyra e reagimit qytetar. Ne do të vazhdojmë e do përgatitemi edhe për hapa të tjera. Ne po përgatitemi, besoj se do shkojmë në zgjedhje. Për pak kohë do na duhet të shkojmë në zgjedhje. 13 tetori është i rënë. Do shkojmë në zgjedhje bashkë me Ramën. 13 tetori ishte një datë perfektë edhe për vetë Ramën, që di të kishte mundësi të zgjidhte kandidatë, por ai prapë procesin e shkatërroi.
