Komisioni Hetimor miraton planin për shkarkimin e Metës, kush ishte deputeti i vetëm që votoi kundër

Ditën e sotme Komisioni i Posacëm Hetimor ka miratuar planin përfundimtar hetimor për shkarkimin e Presidentit Ilir Meta.

Ky plan u miratua me 7 vota pro dhe 1 kundër.

Kështu hetimi për presidentin Meta deklarohet i hapur.

Mësohet se i vetmi që votoi kundër ishte deputeti Adriatik Alimadhi.

Nënkryetari i Komisionit Hetimor, Alban Zeneli kërkoi shtyrjen e nisjes së punimeve të këtij Komisioni deri në ngritjen e Gjykatës Kushtetuese.

“Të shtyhet komisioni deri në ngritjen e Gjukatës së Lartë. Pa ngritjen e Gjykatës Kushtetuese të mos përparojmë”, u shpreh Zeneli.

Mirëpo kërkesa e tij u kundështua nga Vasilika Hysi.

Ngritja e Komisionit Hetimor është ekskluzivitet i Kuvendit, as i ekzekutivit dhe as i gjykatave. E rëndësishme është që raporti duhet të respektojë afatet dhe më pas Gjykata Kushtetuese ta shqyrtojë pasi t’ia përcjellë Kuvendi”, tha ajo.