LIGJET E BIZNESIT
David Kostelancik, zyrtari i lartë i Departamentit të Shtetit në Amerikë, duket se do të marrë pjesë në angazhimin për të zgjidhur krizën politike që po kalon Shqipëria.
Kostelancik, i cili mban postin e Drejtorit për Europën Qendrore dhe Jugore në DASH, pritet të takohet me përfaqësues të forcave politike, ku një nga cështjet e rëndësishme që do të diskutohet është dhe gjetja e një zgjidhje për krizën politike.
Kështu pas vizitës së bërë në Tiranë nga nënkryetarja e grupit parlamentar CDU/CSU në Gjermani Katja Leikert e cila u prit nga Basha, Meta dhe Rama, zyrtari i lartë amerikan është I dyti ndërkombëtar që do të angazhohet në këtë fillim vjeshte për zgjidhjen e krizës.
Kostelancik do të nisë të enjten takimet me përfaqësues të politikës shqiptare. Ai është një diplomat karriere dhe e njeh ambientin politik në Tiranë pasi ka qenë pjesë e stafit të ambasadës së SHBA.
Deri pak muaj më parë ai ka qenë zëvendësambasador i SHBA në Hungari. Gjithashtu ka mbuluar në DASH marrëdhëniet me Rusinë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
