LIGJET E BIZNESIT
Kryetari i Kuvendit Gramoz Ruçi në fjalën e tij të parë në këtë sesion të ri parlamentar shpalli edhe objektivat për sesionin e ri parlamentar.
Duke thënë se të gjithë presim çeljen e negociatave, Ruçi theksoi se dora e shumicës është e shtrirë për opozitën jashtë parlamentit për reformën zgjedhore.
Kreu i Kuvendit u shpreh se kjo dorë bashkëpunimi nuk shtrihet për mëshirë por si vullnet i dëshirës për bashkëpunim
“Rekomandimi i komisionit për çeljen e negociatave është produkt i arritjeve, në mbledhjen e këshillit në Tetor shkojmë me sigurinë e plotësimit të këtyre detyrave. Dëshira e të gjithë shqiptarëve është çelja e negociatave. Ne duhet ta përdorim këtë fillim sesioni për të kompensuar atë që nuk bëmë mirë në sesionin e kaluar.
Prandaj prioriteti i parë do të jetë përmbyllja e reformës zgjedhore. Do të jetë një produkt konsensual i Kuvendit duke përfshirë edhe opozitën jashtë parlamentare. Dora e shtrirë e Kuvendit nuk është mëshirë. Mbrojtja e Kushtetutës është garancia e Shqipërisë së nesërme. Reforma në drejtësi do të vijojë duke filluar me ngritjen e institucionet e reja. Gjykata Kushtetuese dhe ILD do të bëhen funksionale shumë shpejt” tha ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
