Masakroi të atin me sëpatë, kush është 35-vjeçari i dënuar me 12 vite burg, si tentoi të vriste të ëmën vite më parë (FOTO)

Detaje tronditëse kanë dalë për krimin e rëndë në familje që tronditi Memaliajn mëngjesin e sotëm, ku 35-vjeçari Arjan Shahaj vrau me sëpatë babain e tij Iljaz Shahaj.

Autori Arjan Shahaj mësohet se ka qenë i dënuar më parë me 12 vjet burg.

Në vitin 1998 ai ka tentuar të vrasë një bashkëfshatar, ndërsa në 2003 ka tentuar të vrasë dhe nënën e tij.

Ndërsa sot fillimisht dyshohet se Shehaj është konfliktuar me babain përpara se t’i merrte jetën për shkak se viktima i kërkonte llogari të birit në lidhje me marrëdhënien që ky i fundit kishte me një vajzë.

Më pas 35-vjeçari Shehaj ka rrëmbyer sëpatën dhe ka qëlluar në kokë babain e tij Iljaz Shehaj 77 vjeç, duke e lënë të vdekur në vend.

Policia bën me dije se autori vuan nga probleme të shëndetit mendor.

Kanë qenë fqinjët e familjes ata të cilët kanë njoftuar policinë për krimin në familje në fshatin Shalës.

Policia është vënë në ndjekje të autorit dhe po punon për kapjen e tij.

NJOFTIMI ZYRTAR I POLICISE

Në fshatin Shalës, Bashkia Memaliaj, shtetasi A.Sh. 35 vjeç (me probleme të shëndetit mendor) ka goditur me mjete të forta babain e tij, shtetasin I. Sh., 77 vjeç, duke i shkaktuar vdekjen.

Drejtoria Vendore e Policisë Gjirokastër ka ngritur disa grupe kontrolli dhe po behet krehja e zonës për gjetjen dhe kapjen e autorit.

Në vendngjarje ka shkuar grupi hetimor dhe po punon për zbardhjen e plotë të ngjarjes.