Detaje të reja kanë dalë nga ngjarja e rëndë që tronditi mbrëmjen e sotme qytetin e Fierit.
Një person i armatosur u fut në ambientet e Spitalit Rajonal të Fierit dhe ka qëlluar në drejtim të disa personave, duke plagosur kështu 3 prej tyre.
Mësohet se më herët autori dhe të plagosurit kishin pasur më herët një sherr.
Pas ngjarjes policia dhe FNSH kanë mbërritur në spital, ku i pranishëm ka qenë dhe drejtori i Policisë së Fierit Andon Marko.
Në deklaratën e tij për mediat, Marko tha se policia ka arrestuar 2 persona, kurse një i tretë është shpallur në kërkim.
Ai shtoi se po bëhet kontroll në banesën e personit që është shpallur në kërkim policor.
Ndërkaq, drejtoresha e spitalit në prononcimin e saj për “News 24” u shpreh se të plagosurit janë jashtë rrezikut për jetën.
Ajo shtoi se të plagosurit po marrin ndihmën mjekësore të nevojshme.
