Aktorja e njohur amerikane Valerie Harper ka ndërruar jetë sot, pas një beteje të gjatë me kancerin. Harper u bë e famshme nga rolin e saj Rhoda në “The Mary Tyler Moore Show” në vitet ‘70. Gjithashtu ajo pati dhe role të tjera të suksesshme.
Lajmi i hidhur u konfirmua nga vajza e saj Cristina Cacciotti dhe mikesha e familjes Deanna Buskey. Ajo prej vitesh luftoi me kancerin por sot në moshën 80 vjeçare e humbi përfundimisht betejën shkruan ‘Theguardian’.
Në vitin 2013, ajo zbuloi se ishte diagnostikuar me kancer në tru dhe mjekët i kishin thënë se kishte tre muaj jetë. Por ajo ia doli të jetojë edhe shumë vite të tjera.
Buskey, mikesha e familjes së aktores për më shumë se 20 vite tha se familjarët nuk mund të siguronin detaje të tjera rreth vdekjes në këto momente.
Valerie Harper fitoi tre çmime Emmy të njëpasnjëshme (1971-73) si aktore në rol dytësor në shfaqjen “The Mary Tyler Moore Show” dhe një tjetër për aktoren kryesore për rolin e Rhoda-s, nga viti 1974 në ‘78.
