Detaje nga atentati i djeshëm në Vlorë, si e mashtruan autorët ish-mësuesin që të dilte në ballkon

Ditën e sotme kanë vijuar të dalin detaje të reja në lidhje me atentatin e një nate më parë që iu bë Eljus Thartorit në Vlorë, i cili ka punuar më parë si mësues fiskulture.

Mësohet se në fillim autorët kanë hedhur lëndë plasëse në ballkonin e shtëpisë së tij për ta detyruar Eljusin të dalë dhe më pas e kanë qëlluar me pistoletë.

Deri tani policia ka shoqëruar 15 persona, mes tyre ata që kanë parë ngjarjen, të afërm e familjarë.

Gjithashtu bëhet me dije se 36-vjecarit Thartori i janë gjetur copa metali në trup dhe ai është transportuar drejt Traumës në gjendje të rëndë shëndetësore.

Gjithashtu është zbardhur edhe dëshmia e ish-mësuesit, që ka bërë edhe 10 vite burg për vrasje dhe armëmbajtje pa leje.

“Më plasi telefoni në dorë, shpërtheu,”- mësohet të ketë thënë Thartori.

Mbrëmjen e djeshme, persona të paidentifikuar kanë qëlluar me armë zjarri drejt ballkonit të banesës së Eljus Thartorit me qëllim për ta eleminuar.

Thartori është një person i njohur për policinë. Ai ka bërë 10 vite burg për vrasje me paramendim dhe armëmbajtje pa leje.