Janë zbuluar detaje të reja nga atentati me armë zjarri mbrëmjen e sotme në qytetin e Korçës.
Burime nga uniformat blu tregojnë se objektivi i sulmit ka qenë Juxhin Kulla, ndërsa shkak dyshohen pazaret e prishura të drogës.
Kulla është një emër i skeduar për policinë e Korçës për shkak të aktivitetit të tij.
Informacioni zyrtar i Policisë së Korçës:
Më datë 30.08.2019, rreth orës 21:15, në lagjen nr.3, në afërsi të Depos së Ujit, është qëlluar me armë zjarri, dyshohet në drejtim të një banese, pa shkaktuar dëme në njerëz.
Grupi hetimor në vendin e ngjarjes po punon për zbardhjen e rrethanave të ngjarjes, identifikimin dhe kapjen e autorit.
Po mbrëmjen e sotme, si pasojë e një sulmi me armë mbeti i plagosur një shtetas 36-vjeçar, i dënuar më parë për vrasje.
