I bënë atentat me tritol sonte, kush është mësuesi vlonjat që ka bërë 10 vjet burg

Shpërthimi i tritolit mbrëmjen e sotme tronditi qytetin e Vlorës. Objektivi i këtij atentati, Eljus Thartori 36-vjeç, mbeti i plagosur, pasi u qëllua në ballkonin e shtëpisë, ndërsa për momentin ndodhet në spital, jashtë rrezikut për jetën.

Sakaq është mësuar edhe shkuara e tij, dhe 36-vjeçari, një ish-mësues i edukimit fizik në shkollën 9 vjeçare “Teli Ndini” në Vlorë, është një person i njohur për policinë e shtetit. Ai ka qenë dënuar më parë me 10 vite burg për akuzën e vrasjes me paramendim dhe armëmbajtje pa leje.

Por jo vetëm kaq, pasi dy vite më parë ai ka qenë personazh i një denoncimi bërë në emisionin investigativ, “Fiks Fare”. Thartori shfaqej në videon e “Fiks Fare” duke inkurajuar nxënësit të ofendonin drejtoreshën dhe luante me ta bixhoz gjatë orës së mësimit.

36-vjeçari ishte kthyer pak kohë më parë në Vlorë, pasi jeton jashtë vendit dhe për momentin ishte në Vlorë vetëm për pushime.

Nga ana tjetër, policia ende nuk ka dhënë detaje në lidhje me atentatit, sa i përket motiveve, por edhe personave që e kryen atë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern