Prej tre muajsh punonjësit e administratës së Bashkisë Peqin nuk kanë marrë rrogën.
Mësohet se janë rreth 180 punonjës të cilët nuk janë paguar ende për muajt e verës ndërsa shkaku lidhet me problemet financiare dhe mosmbledhjen e të ardhurave nga vetë bashkia.
Kryebashkiaku aktual i Peqinit bën me dije se ky lajm është i vërtetë.
Kjo është një problematikë e mbartur nga Bashkia e mëparshme. Postin e kam marrë më datë 17 gusht. Shpresojmë që kjo çështje të marrë zgjidhje sa më shpejt por nuk mund të caktoj një afat. Po rrogat e prapambetura me shumë mundësi do merren njëherësh. Kërkojmë durim,”- shprehet Tosku .
Kujtojmë se 4-vjeçarin e fundit, bashkia e Peqinit është drejtuar nga Sajmir Hasalla i PDIU-së. Pas zgjedhjet e 30 qershorit drejtimin e mori Lorenc Tosku, kandidati i PS-së.
