Ambasada amerikane në Tiranë ka bërë një njoftim të rëndësishëm ditën e sotme përsa i përket vizave për në SHBA.
Në njoftimin e publikuar në faqen zyrtare shkruhet se nuk mund të qëndroni për më shumë kohë nga sa i keni thënë në fillim konsullorit.
Në momentin e hyrjes në pasaportën tuaj do të shënohet sa kohë ju lejohet të qëndroni.
Ambasada gjithashtu thekson edhe njëherë që duhet të siguroheni për të mos tejkaluar datën e paracaktuar.
NJOFTIMI I AMBASADES AMERIKANE
Është shumë e rëndësishme që t’i përmbaheni kushteve të vizës tuaj. Nëse ju i thoni oficerit konsullor që do të qëndroni për dy javë në SHBA, ju nuk mund të qëndroni gjashtë muaj. Në pikën e hyrjes në SHBA, oficeri i imigracionit do të shënojë në pasaportën tuaj se sa kohë mund të qëndroni – sigurohuni të mos e tejkaloni! #pyetanen
