Përplasja në kryesinë e PS, zbardhet debati i fortë mes Ramës e Bushatit: Të shkarkova se nuk je lider, ish ministri i kërkon të pranojë gabimin

Mbledhja e djeshme e kryesisë së Partisë Socialiste është shoqëruar nga debate të ashpra.

Në fokus të këtij diskutimi ka qenë situate politike në Shkodër, pas dorëheqjes së Valdrin Pjetrit.

Kryesisht mësohet se ka pasur përplasje të forta midis ish-ministrit të Punëve të Jashtme Ditmir Bushati dhe kryeministrit Edi Rama.

Kujtojmë se Ditmir Bushati u shpreh i pakënaqur edhe pas mbledhjes në një prononcim për mediat.

Sipas “Shqiptarja.com”, në mbledhjen me dyer të mbyllura, Bushati është përplasur me Ramën. Ky i fundit u shkarkua disa javë më parë si drejtues politik, në qarkun e Shkodrës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në mbledhje ai ka folur për rikthimin e personave me të kaluar të dyshimtë në PS. Bushati ka përmendur frazën ‘çunat problematikë’ duke ironizuar kështu Damian Gjiknurin, i dalë në përgjimet e Bild.

Bushati gjithashtu i është referuar rolit të Dom Doshit në Shkodër si dhe Valdin Pjetrit, dhe i ka kërkuar Ramës pranimin e gabimit për afrimin e tyre.

Pas kësaj ka reaguar vetë Rama në mbledhje , i cili ka pohuar se Tom Doshi nuk është pjesë e PS por i një force tjetër politike dhe se nuk ‘kërcënon’ vendin e Bushatit.

‘Tom Doshi është një realitet në Shkodër. Nuk është pjesë e PS por i një force tjetër politike. Edhe nëse nuk të pelqen ai është një realitet ka votat e tij. Tom Doshi nuk kërcënon vendin tuaj në parti’, ka thënë Rama.

Rama i ka bërë me dije Bushatit më tej edhe arsyen e shkarkimit si koordinator në Shkodër.

“Ne të kemi hequr, pasi nuk je lider, por je shef. Lideri krijon raporte të barabarta, ti je sjellë si shef’, mësohet të ketë thënë Rama.