Kukësi mesa duket nuk do ndalet në rrugën drejt titullit kampion. Pasi fitoi me Partizanin në javën e parë, verilindorët kanë mposhtur thellë edhe Flamurtarin në Vlorë në shifrat 0-3.
Golat për ekipin e Duros u shënuan nga Shkurtaj dy herë dhe Gocaj autogol në fund.
Për Kukësi nuk pati asnjë moment dyshimi në këtë ndeshje, përballë një Flamurtari apatik.
Tre me zero dhe Kukësi kap kreun e Superligës që pretendon ta mbajë deri në fund, ndërsa te Flamurtari duhet të shqetësohen, pasi ky sezon nuk ka për të qenë aspak i thjeshtë.
