Policia e Beratit ka arrestuar ditën e sotme një 26-vjeçar, pasi akuzohet se përndiqte dhe kërcënonte me armë zjarri në mënyrë sistematike një vajzë.
Mësohet se i arrestuari është shtetasi me iniciale F.M, 26 vjeç banues në Urën Vajgurore.
Arrestimi i tij u bë pasi shtetasja L.T. ka kallëzuar se ky shtetas e ka përndjekur në mënyrë sistematike dhe e ka kërcënuar me armë zjarri.
Gjatë kontrollit të banesës së shtetasit F.M., u gjet dhe sekuestrua në cilësinë e provës materiale një armë zjarri tip automatik model 56.
Materialet i kaluan Prokurorisë së Rrethit Gjyqësor Berat për veprat penale ‘‘Përndjekja” dhe “Prodhimi dhe mbajtja pa leje e armëve luftarake dhe municionit’’.
