E rëndë, 37-vjeçari vret gruan me thikë

Një shqiptar nga Maqedonia vrau gruan e tij me thikë në Dietikon, rajoni i St.Gallenit në Zvicër.

Mediat zvicerane raportojnë se ai ka shfrytëzuar masën për të mos iu afruar bashkëshortes së tij. Prej kohësh, ata nuk jetonin bashkë për shkak se 37-vjeçari I.B. ushtronte dhunë sistematike ndaj gruas së tij.

Ajo e kishte denoncuar në polici dhe Gjykata kishte caktuar që ai të shmangte kontaktin me të. Të dy kishin një fëmijë.

Në 25 gusht, ditën kur skadoi afati i vendosur nga Gjykata, ai ka shkuar në banesën e 34-vjeçares.

Njëri prej komshinjve të viktimës kontaktoi policinë, pasi pa autorin duke i rënë ziles në mënyrë të herëpashershme, raporton neësbomb. Ai e ka goditur më pas bashkëshorten me thikë. Ndërkohë, policia e ka ndaluar 37-vjeçarin, ndërsa ende po punohet për shkaqet e këtij krimi makabër.