Zyrtare, Tirana bën goditjen më të madhe në merkato

Tirana ka bërë goditjen më të madhe të kësaj merkato vere, duke firmosur me Andi Lilën. Kavajasi ka gjetur akordin me presidentin Halili dhe do të vihet menjëherë në dispozicion të trajnerit Ardian Mema.

Ky i fundit e konfirmoi këtë afrim me peshë në konferencën e sotme për shtyp, duke thënë se është mbyllur marrëveshja dhe shumë shpejt do ta ketë në stërvitje gati për ndeshjet e radhës në kampionat.

Lila është afrimi më i bujshëm i Tiranës këtë merkato, që më herët kishte afruar lojtarë me peshë si Batha, Osmani, Torasa apo edhe Dunga nga Luftëtari.

Me këtë merkato dhe fitoren e parë në “Selman Stërmasi” me Luftëtarin, Tirana hyn bindhsmëm në luftën për titullin kampion.