Oficeri i policisë së Kosovës që u aksidentua dje ka ndërruar jetë sot para disa orësh, shkruajnë mediet kosovare.
Lajmin më pas e ka konfirmuar edhe zëdhënësja e Policisë së Kosovës për rajonin e Prishtinës, Flora Ahmeti.
Njoftimi i Policisë Kosovare:
‘Me datën 20.08.2019 rreth orës 13:30, kemi pranuar informatën për nje aksident trafiku në fshatin Rimanishte të Prishtinës. Në këte aksident viktima mashkull A.A 51 vjeç, (zyrtar policor), ka pësuar lëndime trupore, pasi është vetëaksidentuar derisa ishte duke e drejtuar traktorin e tij.
I ndjeri u dërguar për trajtim mjekësor ne Qëndrën Klinike Universitare të Kosovës (QKUK), nga ku sot rreth orës 18:00 jemi njoftuar se viktima ka ndërruar jetë.
Trupi i viktimes ështe dërguar për raportin mjeko-ligjor në Institutin e Mjekësisë Ligjore’.
