Kukësi mposht Partizani, por çfarë shëmtie stadiumi

Ka nisur superliga shqiptare në edicionin e saj të 81-të. Fitoi Kukësi në ndeshjen hapëse ndaj kampionëve në fuqi të Partizani, 1-0 me gol të Shkurtaj, por ajo që ka më shumë rëndësi ishte stadiumi.

Në ndeshjen e parë të kampionatit, stadiumi “Elbasan Arena” i ngjante një ‘varreze’. Shumë pak tifozë dhe qetësi, sikur të mos e dije që luajnë dy ekipet më të mira shqiptare, fare mirë mund të mendoje se aty janë duke u stërvitur ekipet e moshave të Elbasanit.

Atmosfera e vaktë tregon edhe një herë tjetër për gjendjen mjerane ku ka përfunduar futbolli shqiptar, nga i cili pritet ta shpëtojë sportin shqiptar, por sinjalet janë më shume demotivuese.