Policia Kufitare ka bërë të mundur ndalimin e tetë klandestinëve afganë në tentativë për të hyrë në mënyrë të paligjshme në territorin shqiptar.
Policia Kufitare e Kakavijës së bashku me doganën e Kakavijës dhe forcat e FRONTEX i kanë kapur tetë shtetasit afganë në trajlerin e një mauneje e cila vinte nga Greqia, dhe transportonte portokalle. Gjithë udhëtimin afganët e kanë kaluar duke ngrënë portokall, ku për dy prej tyre ishin krijuar edhe probleme shëndetësore, të diaresë.
Shoferi i kamionit është një 21-vjeçar nga Mali i Zi me inicialet B.R, i cili policisë i ka thënë se nuk kishte dijeni që në trajlerin mbushur me portokalle kishin hipur edhe emigrantët e paligjshëm.
Kamioni është bllokuar ndërsa shoferi malazez po merret në pyetje nga autoritetet, ndërsa pritet dhe depërtimi i emigrantëve afgan.
