Vera ikën me gushtin, por jo vapa! Mësoni si do jetë moti në ditët në vijim

Vera ikën me gushtin, por jo vapa. Ju që keni planifikuar pushime që do të zgjasin deri në shtator ka një lajm të mirë për ju. Sipas Shërbimit Meteorologjik Ushtarak, pas disa ditësh gradualisht do të mbyllet stina e verës megjithatë si vendi ynë ashtu dhe Rajoni i Ballkanit do të vijoj të ndikohet nga masat ajrore relativisht të qëndrueshme dhe të nxehta.

Në këtë mënyrë edhe sot vendi do të ketë mot të kthjellët përjashtuar vranësirat e pakta kalimtare në orët e mesditës (kryesisht relievet malore). Temperaturat në vlerat maksimale pritet të arrijnë 33-37°C, tendencë kjo e cila po vijon dhe do të vijoj edhe për ditët në vazhdim.

Edhe nesër pritet që vendi ynë të ketë mot të kthjellët me vranësira të pakta dhe mesatare kalimtare në zonën e jugut. Temperaturat në vlerat minimale pritet të jenë pothuajse të njejta me ato të ditës së sotme (17-23°C) ndërsa ato të mesditës një rritje prej 1-2 grad me termometrin që pritet të shënoj 34-38°C.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern