Një ngjarje e rëndë raportohet të ketë ndodhur mbrëmjen e djeshme në veri të Kosovës.
Bëhet me dije se kryetari i Komunës së Leposaviqit, Zoran Todiç, është rrahur nga disa persona të panjohur gjatë mbrëmjes së djeshme.
Ngjarja e rëndë mësohet të ketë ndodhur gjatë turneut futbollistik të organizuar nga Komuna e Leposaviqit, mbrëmjen e djeshme. Fillimisht çdo gjë nisi si një konflikt që degradoi në konfrontim fizik ku i pranishëm ka qenë edhe kryetari i Komunës së Leposaviqit, Zoran Todiç dhe bashkëpunëtori i tij, Stevo Petronijeviç.
Mësohet se Todiç dhe Petronijeviç janë rrahur nga shtetasi Andrija Antonijeviç dhe disa persona të tjerë, që janë larguar dhe tashmë janë të shpallur në kërkim.
