Vrau çiftin e bashkëshortëve për një mur, nis gjyqi ndaj Apostol Kostës

Gjykata e Krimeve të Rënda ka nisur procesin gjyqësor ndaj Apostol Kostës.

Mësohet se procesi është në fazën fillestare dhe séance e rradhës është më 10 shtator.

Apostol Kosta ekzekutoi me armë zjarri dy vite më parë çiftin e bashkëshortëve Aleko dhe Afërdita Kosta.

Krimi i rëndë erdhi pas një sherri që kishin dy palët në lidhje me prishjen e një muri.

Ngjarja e rëndë ndodhi në tetor të 2017, ndërsa 72-vjeçari, Apostol Kosta tentoi të vrasë  edhe veten, por mbeti i plagosur dhe u dërgua me urgjencë në spital.

Vrasja e kryer solli një tronditje të madhe në rradhët e opinionit publik, ndërkohë që viktimat kishin një reputacion të lartë në Gjirokastër, pasi Aleko ishte muzikant, ndërsa Afërdita mësuese.