Sekuestrohen 120.000 euro të përfituara nga veprimtaria kriminale, policia jep detajet

Krimi Ekonomik e Financiar në Drejtorinë Vendore të Policisë Fier ka sekuestruar 120.000 euro në një llogari bankare.

Kjo llogari i përkiste shtetasit me iniciale T.B, i cili dyshohet se ka kryer veprën penale: “Pastrim I produkteve të veprës penale ose veprimtarisë kriminale.

Materialet hetimore i kaluan Prokurorisë pranë Gjykatës së Shkallës së Parë Fier për veprime të mëtejshme.

NJOFTIMI ZYRTAR I POLICISE

Vijon puna për evidentimin e aseteve dhe llogarive bankare të personave të dyshuar për veprimtari kriminale.

Sekuestrohen 120.000 euro, që dyshohet se janë përfituar nga veprimtari kriminale.

Specialistët për Hetimin e Krimit Ekonomik e Financiar në Drejtorinë Vendore të Policisë Fier, në bashkëpunim me Prokurorinë e Rrethit Gjyqësor Fier, kanë vendosur sekuestro preventive mbi llogarinë bankare më vlerën 120.000 euro., të shtetasit T.B.

Shtetasi T.B., dyshohet për kryerjen e veprës penale “Pastrimi i produkteve të veprës penale ose veprimtarisë kriminale”.

Materialet hetimore i kaluan Prokurorisë pranë Gjykatës së Shkallës së Parë Fier për veprime të mëtejshme.