LIGJET E BIZNESIT
Pas deklaratave të njëpasnjëshme të Partisë Demokratike, ku kryebashkiaku i ri socialist i Shkodrës Valdrin Pjetri, u akuzua si i dënuar në Itali për trafik droge, ka ardhur edhe reagimi i kryeministrit Edi Rama.
Rama ‘lan duart’ kështu edhe me Pjetrin teksa shprehet se edhe vëllai i tij të jetë nuk ka shanc të hedhë hije dyshimi as mbi kryeministrin dhe as mbi Partinë Socialiste.
Më tej kreu i qeverisë shkruan se derisa e vërteta të dalë, Valdrin Pjetri dhe Partia Socialiste I kanë rrugët e ndara plotësisht.
Në fund Rama ka dhe një paralajmërim për socialistët ku shprehet se nuk ka ndërmënd të tolerojë askënd dhe të marrë përsipër raportin individual me ligjin të askujt.
STATUSI I PLOTE I RAMES
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Jo Valdrini,po vëllai im të jetë, s’ka shans të hedhë asnjë hije dyshimi mbi PS dhe mbi mua,në raport me ligjin e me besnikërinë ndaj popullit! Përgjegjësia për çdo akt individual të padenjë është individuale.Përgjegjësia jonë është si reagojmë ndaj një akti të padenjë individual!
I edukuar,i zoti,i respektuar familjarisht në Shkodër e kudo ka punuar,po kjo s’mjafton më!Kurrë s’kam menduar se Valdrini mund të fshehë të vërtetën në raport me ligjin,po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht.
E me këtë rast,të tërë ta fusin mirë në kokë:Unë s’kam ndërmend të toleroj askënd dhe as të marr përsipër raportin individual me ligjin të askujt!Shkoj në luftë për çdo ide,qëllim a shok armësh,po kosto veprimesh individuale të dyshuara si ky,as marr më,as lejoj më t’i marrë PS!
