Grabitet banesa e biznesmenit të fuqishëm, hajdutët vjedhin kasafortën me para, bizhuteri dhe armë (EMRI)

Banesa e biznesmenit Valter Goga në fshatin Buçimas në Pogradec, ka rënë pre e grabitjes.

Mësohet se ngjarja ka ndodhur në orët e para të mëngjesit të sotëm, ku persona ende të paidentifikuar kanë marrë kasafortën e shtëpisë.

Policia bën me dije se në kasafortë kishte një sasi parash, bizhuteri dhe një armë gjahu të poseduar me leje nga biznesmeni, i cili ka në pronësi dhe një karburant pranë banesës.

NJOFTIMI ZYRTAR I POLICISE

Më datë 13.08.2019, në orët e para të mëngjesit, në fshatin Buçimas, persona të paidentifikuar kanë hyrë në banesën e shtetasit V.G (pranë së cilës ndodhet edhe një karburant në pronësi të tij) dhe kanë marrë një kasafortë me një sasi lekësh, bizhuteri dhe një armë gjahu të poseduar me leje nga ky shtetas.

Grupi hetimor në vendngjarje po punon për identifikimin/kapjen e autorëve, si edhe zbardhjen e rrethanave të ngjarjes.