Ishin shpallur në kërkim, vetëdorëzohen në polici nëndrejtori i Kadastrës Durrës dhe ekonomisti (EMRAT)

Është vetëdorëzuar në polici nëndrejtori i Kadastrës së Durrësit, Arben Isaku, i cili u shpall në kërkim dy ditë më parë nën akuzën e falsifikimit të dokumentave për lejet e legalizimit.

Gjithashtu mësohet se në policinë e Durrësit është vetëdorëzuar dhe ekonomisti Redi.K, 27 vjeç.

Vijon të jetë i shpallur në kërkim specialisti në Kadastër, me iniciale F.R  28 vjeç.

Tre shtetasit e mësipërm akuzohen për veprat penale “Korrupsioni pasiv nga persona që ushtrojnë funksione publike”, “Shpërdorimi të detyrës” dhe “Falsifikimi i dokumentave ” parashikuar në nenet 259, 248 dhe 186/3 të Kodit Penal.

Personat më lart kanë pajisur me leje legalizimi duke falsifikuar dokumentat shtetasit Xh.N., 29 vjeç, banues në Durrës dhe E.S., 39 vjeç, banues në Berat, të cilët janë shpallur në kërkim dhe po punohet për kapjen e tyre pasi Prokuroria e Rrethit Gjyqësor Durrës ka nxjerrë urdhër ndalimi për veprën penale ” Vjedhja me pasoja të rënda” parashikuar në nenin 134/3 të Kodit Penal.