Aksident i frikshëm në autostradë, përplasen tre makina, dy të plagosur

Një aksident automobilistik ka ndodhur mëngjesin e sotëm në autostradën Fier-Lushnje.

Mësohet se tre automjete janë përplasur me njëri-tjetrin dhe si për pasojë kanë mbetur të plagosur dy persona.

Ngjarja ka ndodhur në vendin e quajtur “Pushimi i shoferit”.

Dy automjete kanë përfunduar në kanal, ndërsa e treta është larguar nga vendngjarja.

Të plagosurit janë dërguar menjëherë për në spital ndërkohë që mësohet se ndodhet jashtë rrezikut për jetën.

Nuk dihet ende shkaku i aksidentit, por policia dhe grupi hetimor po punojnë për zbardhjen e plotë të rrethanave dhe shkaqeve të ngjarjes.