Ambasada e SHBA nxjerr videon se si do funksionojë Gjykata Kushtetuese: Së shpejti Shqipëria me gjyqtarë të kualifikuar dhe të paanshëm (VIDEO)

Ambasada e Shteteve të Bashkuara të Amerikës ka publikuar këtë mëngjes një video në të cilën shpjegohet sesi do të funksionojë Gjykata Kushtetuese dhe si do të plotësohen vendet vakante.

Në Videon e publikuar në Facebook, Ambasada ndër të tjera shpjegon se si do zgjidhen kandidatët dhe rolin që do të ketë kjo Gjykatë në drejtësinë shqiptare.

Ambasada e SHBA shkruan se Shqipëria së shpejti do të ketë një Gjykatë Kushtetuese funksionale, me gjykatës të kualifikuar, të paanshëm dhe apolitikë.

“Në videon e kaluar, ju mësuat mbi procesin e vetingut. Këtë javë, ne do të flasim për Gjykatën Kushtetuese. Shihni këtë video për të mësuar se si Shqipëria do të ketë një Gjykatë Kushtetuese funksionale, me gjykatës të kualifikuar, të paanshëm dhe apolitikë”, shkruan ambasada amerikanë në krah të videos së publikuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern